उत्तमबाबुजी,

माओवादी राजनैतिक दर्शनसंग खुस हुनेहरूका लागि, नेपालको अहिलेको परिवर्तन चामत्कारिक हुनसक्ला तर के खमेर रूजको राजनैतिक विचार र व्यवहार बोकेर नया नेपाल बन्ला बन्ने कुरामा तपाईँलाई विश्वास छ त ? माओवादीले घृणा गर्ने साम्राज्यवादी अमेरिकाको शैक्षिक राजधानी बोष्टनमा बसेर नेपालको परिवर्तनमा निश्चित राजनैतिक विचारको पृष्ठभूमिमा आल्हादिन हुन सकिएला किनभने भोलिको माओवादी राजनीतिमा यस्ता मान्छेहरूलाई ठूला र सुनौला अवसरहरू हासिल होलान् , तर यो घृणा र हिंसाको दर्शनले नया संसार , नया मुलुक वा नया समाज जो परिष्कृत, विकसित र सुसंस्कृत सबै भएको होस् कतै देख्नु भएको छ बन्ने सम्भावना ? के तपाईँको विद्वाताले साँच्चै नै माओवादी विचार वा व्यवहारले नेपाललाई भौतिक विकासको अमेरिका वा माओवादीले रट्ने स्विट्जरल्यान्ड बन्ला भन्ने ठहर गर्छ ? के यो क्युबा, र उत्तर कोरियामा देश रुपान्तर गर्ने दर्शन हाम्रो भाग्य लेख्नैका लागि आएको हो त ?

हैन के छ यो विचारमा र व्यवहारमा जहाँ तपाईँ सुनौलो संसार देखेर यति बिघ्न पुलकित हुनुहुन्छ ?हामीले जान्न पाउने जिज्ञासा राख्न सक्छौँ ? यो दर्शनले आज पर्यन्त संसारको कुनै एउटा सिंगो मुलुकलाई उद्दार गर्यो कृपया बताइदिनु हुन्छ कि ? यदि यस्तो हुँदो हो त तपाईँ आज प्योङ्याङ विस्वविद्यालयको पुस्तकालयमा आफ्नो ल्यापटपमा कुराहरू टाइप गर्दै सुनौलो वसन्तका कथा सुनाइरहेको हुँदो हो तर तपाईँको वसन्त वर्णनले त न्युयोर्कको चेरी ब्लसमको गाथा गाएको पो छ त , कि कसो ?

अत: हिंसा र घृणाको दर्शनमा थचारिएर हामी नया समुन्नत नेपालको सपना देख्न सक्दैनौँ , त्यसका लागि त्यस्तै आधारभूमि चाहिन्छ । दावा र कल्पनाका स्वप्न महल त हिट्लर र मुसोलिनीले पनि राम्रो गरेका थिए , तर यो अधिनायकावादी दर्शनले केवल क्याम्बोडिया, रुमानिया, सांस्कृतिक क्रान्तिको नाममा त्रासदिहरू मात्र रोपेको छ मानवताको दिलोदिमागमा । आजको चिनले गरेको कथित प्रगति माओवाद हैन, बरू देङले निम्ताएको कुरुप पूँजिवादले विकृति पारेको प्रतिक्रान्तिवादी चीन हो जहाँ विश्वकै सबैभन्दा उग्र पूँजिवादको प्रयोग कम्युनिष्ट पार्टीले सरकार चलाउने मुलुकमा भएको मात्र हो । त्यो चीन जहाँ , कानूनले एउटा सन्तति मात्र पाउन निय राखेको छ तर तपाईँसंग प्रशस्त धन छ भने धनको कुम्लो सरकारलाई बुझाउँदै सन्तान थप्न सक्नुहुन्छ वा कुकुर पाल्ने शौख पूरा गर्न सक्नुहुन्छ तर तपाईँ हाइनानको कृषक हुनुहुन्छ भने मृगौला बेचेर खेतमा हाल्ने फर्टिलाइजर किन्न वाध्य हुनुहुन्छ । यसैले आफ्नो कलेज कालीन राजनैतिक दर्शनको धङधङी बोकेर सुपर पूँजिवादी विस्वविद्यालयलबीबाट ल्यापटपका बटन थिचेर , माओवादको स्तुतिगान गरेको त्यति सुहाएन कि ?

Comment by अनुजबाबु — May 12, 2008 @ 4:56 pm